वि.सं:
नेपाल संवत: ११४५ चौलाथ्व षष्ठी - ६
वि.सं:
नेपाल संवत: ११४५ चौलाथ्व षष्ठी - ६
१. परिचय
वि.सं. २०३७ सालमा वन मन्त्रालय अन्तर्गत तालिम शाखाको रुपमा सांगठनिक विकास भएसँगै विभिन्न चरणहरुमा
विभिन्न स्तरमा तालिम शाखा वा केन्द्रको स्थापना भई जनशक्ति विकासका कार्यक्रमहरु संचालन हुँदै आएको
थियो।२०५० सालमा पुनर्गठन भएको वन विभागको संरचना अनुसार केन्द्रमा जनशक्ति विकास तथा तालिम शाखा र
पाँच विकास क्षेत्रहरुमा क्षेत्रीय वन तालिम केन्द्रहरुको स्थापना भई तालिम तथा प्रचार प्रसार कार्यक्रमहरु संचालन
भएको थियो।आ.व. २०५६/०५७ देखि क्षेत्रीय वन तालिम केन्द्रहरुमा रा.प. द्वितीय श्रेणीको तालिम अधिकृत रहने गरी
स्तरोन्नती गरी वन बाहेक अन्य विभागहरुलाई समेत समेट्ने गरी वन मन्त्रालय अन्तर्गत रहने गरी सांगठिक ढाँचामा केही
परिवर्तन भयो। आ.व. २०६१/०६२ सम्म डेनमार्क सरकारको अनुदान सहयोग रहुन्जेल सम्म भू-संरक्षण तथा सामुदायिक
वन विकासका लागि प्रभावकारी रुपमा संचालित तालिम कार्यक्रमहरुलाई नेपाल सरकारले प्राथमिकता दिई संचालन
गरेको थियो।
निजामति सेवा ऐनमा भएको संशोधनले वि.सं. २०६४ देखि विभन्न तहका कर्मचारीहरुलाई एक तह स्वतः बढुवा गर्ने
व्यवस्था भए बमोजिम कर्मचारी व्यवस्थापनको लागि आ.व. २०७०/०७१ मा वन संगठनको पुनसंरचना भएको थियो।
यस अनुसार वन मन्त्रालय अनतर्गतको जनशक्ति विकास तथा तालिम शाखालाई रा.प. प्रथम श्रेणीको प्रमुख रहने गरी
स्तरोन्नति गरी केन्द्रीय वन तालिम तथा प्रसार केन्द्रको स्थापना गरी साविकका पाँचवटा क्षेत्रीय वन तालिम केन्द्रहरुलाई
यस मातहतमा ल्याई नयाँ सांगठनिक व्यवस्थापन गरिएको थियो । देश संघीय संरचनामा गए पश्चात साविकको
मध्यमाञ्चल क्षेत्रीय वन तालिम केन्द्र ३ नं. प्रदेश सरकारको उद्योग, पर्यटन, वन तथा वातावरण मन्त्रालय मातहत रहने
गरि २०७५ साल साउन १ गतेदेखि वन अनुसन्धान तथा प्रशिक्षण केन्द्रमा रुपान्तरण भयो र हाल बागमति प्रदेश
सरकार, वन तथा वातावरण मन्त्रालय नाम रही सोही अन्तर्गत कार्यक्रम संचालन गर्दे आइरहेको छ।
यस केन्द्रले बागमती प्रदेशको वन तथा वातावरण मन्त्रालय अन्तर्गतका १५ वटा डिभिजन वन कार्यालय र ७ वटा भू तथा
जलाधार व्यवस्थापन कार्यालयमा कार्यरत कर्मचारीहरु र वन उपभोक्ता समूहका प्रतिनिधिहरुलाई वन सम्बन्धि तालिम
दिँदै आएको छ। वन सम्बन्धि तालिम मार्फत वन प्राविधिकहरुको दक्षता र संस्थागत क्षमता अभिबृद्धि गर्ने तथा वन
अनुसन्धान कार्यक्रमहरु गर्नु यस केन्द्रको मुख्य उद्देश्य रहेको छ।
२. उद्देश्यहरु